ក្របខ័ណ្ឌ Premier League បានឈានដល់សប្ដាហ៍ទី៦ ហើយគិតត្រឹមចុងសប្ដាហ៍នេះ។ សង្កេតឃើញថាក្រុមខ្លាំងៗទាំងអស់សុទ្ធតែអាចរកជ័យជម្នះបានរៀងៗខ្លួន ដោយបច្ចុប្បន្ន Manchester City កំពុងឈរលេខ១ក្នុងតារាង តាមពីក្រោយដោយបិសាចក្រហម Manchester United មាន១៦ពិន្ទុស្មើគ្នា។ ចុះនៅសប្ដាហ៍នេះមានរឿងសំខាន់អ្វីខ្លះកើតឡើង?
១. Top Scorers
អ្នកទាត់បញ្ចូលទីច្រើនជាងគេនៅ Premier League ពេលនេះឡើងដល់៣នាក់ហើយរួមមាន៖ Sergio Agüero, Álvaro Morata និង Romelu Lukaku មាន៦គ្រាប់ដូចគ្នា។ Morata ធ្វើបានល្អមែនទែននៅអាទិត្យនេះ ដោយបាន៣គ្រាប់ឡើងមកស្មើគ្រាប់បាល់របស់ Agüero និង Lukaku ដែលរកបានម្នាក់១គ្រាប់នៅសប្ដាហ៍នេះ។
២. Manchester City
ជារឿងដ៏អស្ចារ្យសម្រាប់ក្រុមមេឃខៀវ ត្រឹម៣ប្រកួតចុងក្រោយ ពួកគេបានទាត់បញ្ចូលទីគូបដិបក្ខដល់ទី១៦គ្រាប់ ពោលឈ្នះ Livepool ៥-០, ឈ្នះ Watford ៦-០ និងចុងក្រោយលត់ Crystal Palace ៥-០ទៀត។
៣. Crystal Palace
ត្បិតតែទើបបណ្ដេញអ្នកចាត់ការចាស់លោក Frank de Boer ចេញ ជំនួសវិញដោយបុរសជើងចាស់ Roy Hodgson ប៉ុន្តែ២ប្រកួតកន្លងមកក្រោមការដឹកនាំរបស់អ្នកចាត់ការអង់គ្លេសរូបនេះ ក្រុមមានមូលដ្ឋាននៅទីក្រុងឡុងដុងនេះនៅតែមិនទាន់ជួបសំណាង ដោយប្រកួតចុងក្រោយចាញ់ Man City ដល់ទៅ៥-០។
៤. ប្រកួតកូនពៅ
សប្ដាហ៍ទី៦នេះនៅសល់មួយគូទៀតមិនទាន់ប្រកួត នោះគឺជំនួបរវាង Arsenal vs West Brom នៅពេលម៉ោង២យប់នេះ៕
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)