ស្រីលង្កា៖ កាលពីពេលថ្មីៗនេះ អាជ្ញាធរប្រទេសស្រីលង្កា បានឃាត់ខ្លួនបុរសម្នាក់ដែលព្យាយាមជួញដូរមាសជាគ្រឿងអលង្ការទម្ងន់ ជិត ១គីឡូក្រាមដោយលាក់ទុកនៅកន្លែងគួរឲ្យហួសចិត្ត។
មន្ត្រីគយបានរកឃើញគ្រឿងអលង្ការជាមាសទម្ងន់ ៩០៤ក្រាម គិតជាទឹកប្រាក់ប្រមាណជិត ៣ម៉ឺនដុល្លារដែលជនសង្ស័យព្យាយាមលាក់នៅក្នុងរន្ធគូទ។ បុរសជាជនជាតិស្រីលង្កានេះមានអាយុ ៤៥ឆ្នាំ បានត្រៀមចេញដំណើរពីព្រលានយន្តហោះអន្តរជាតិ Colombo ទៅកាន់ប្រទេសឥណ្ឌា។
អ្នកជួញដូរក្នុងប្រទេសនេះតែងតែទៅទិញមាសពីទីក្រុងឌូបៃ នៅអារ៉ាប់រួម និងប្រទេសសិង្ហបុរីដែលមានតម្លៃថោក និងយកទៅលក់នៅប្រទេសឥណ្ឌា ព្រោះចំណេញច្រើន។
តាមប្រភពពីមន្ត្រីគយអះអាងថា បុរសខាងលើបានដើរគួរឲ្យសង្ស័យក៏ឃាត់សួរនាំ រួចយកដំបងស្កេនខ្លួនប្រាណ ស្រាប់តែឃើញមានឥវ៉ាន់លាក់ទុក គឺស្បោងប្លាស្ទិកតូចៗរុំយ៉ាងស្អាត ញាត់ក្នុងរន្ធគូទ។
ទោះយ៉ាងណា មន្ត្រីគយសម្រេចដោះលែងឲ្យមានសេរីភាពវិញ តែត្រូវផាកពិន័យចំនួន ១០ម៉ឺនរូពី ឬប្រមាណ ១ ៥៣០ដុល្លារអាមេរិកផងដែរ៕
ប្រភព៖ theguardian
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)