El Classico ជាភាសាអេស្ប៉ាញ ដែលមានន័យជាភាសាអង់គ្លេស "The Classic” ដែលសំដៅដល់ការប្រកួតស៊ីសាច់ហុតឈាមរវាង Real Madrid និង Barcelona។ ជំនួបរវាងក្រុមទាំង២ មានន័យលើសពីការប្រកួតបាល់ទាត់ទៅទៀត។
និយាយបែបផ្សេង ក្រុមអ្នកជាតិនិយមដែនដីកាតាឡាន (Catalan) របស់ទីក្រុងបាសេឡូណា មិនដែលចាត់ទុកថា ពួកគេជាជនជាតិអេស្ប៉ាញឡើយ។ ពេលថ្មីៗនេះ ប្រជាជនកាតាឡាន បាននាំគ្នាបោះឆ្នោតប្រជាមតិ ទាមទារឯករាជ្យ ដើម្បីផ្ដាច់ទឹកដី ចេញពីអេស្ប៉ាញ។ ម្ល៉ោះហើយទើប El Classico តែងតែក្ដៅគគុកដូចសមរភូមិគឺ "សមរភូមិវាលស្មៅដើម្បីឯករាជ្យ"។
Catalan ស្ថិតនៅភូមិភាគឦសាន នៃប្រទេសអេស្ប៉ាញ ដែលមានបាសេឡូណា ជារដ្ឋធានីសំខាន់ និង ក្រុងមួយចំនួនទៀតដូចជា៖ ហ្គររ៉ូណា, Lleidaនិង តារ៉ាហ្គោណា ជាដើម។ កាតាឡាន បានក្លាយជាផ្នែកមួយនៃប្រទេសអេស្ប៉ាញ ក្នុងសតវត្សទី១៥ ចាប់តាំងពីព្រះចៅ Ferdinand បានរៀបអភិសេកជាមួយនឹងម្ចាស់ក្សត្រី Isabella ហើយពួកទ្រង់បានបង្រួបបង្រួមដែនដីកាតាឡាន បញ្ចូលទៅជាប្រទេសអេស្ប៉ាញតែមួយ៕
ប្រភព៖ Indiatimes
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)