សម្រាប់អ្នកស្រលាញ់រូបរាង iPhone X តែខ្វះខាតថវិកា អាចលៃលកជាមួយម៉ូដែលថ្មីពីក្រុមហ៊ុនប្រទេសចិន Oukitel ម៉ូដែល U18 ដែលមានរូបរាងផ្ទៃអេក្រង់ខាងមុខដូចស្មាតហ្វូនថ្លៃជាង១ពាន់ដុល្លារដែរ ថែមទាំងភ្ជាប់មុខងារដោះសោប្រើផ្ទៃមុខថែមទៀតផង។
Oukitel ម៉ូដែល U18 នេះបំពាក់ថ្មមានថាមពលធំទំហំ ៤ ០០០ mAh ខណៈម៉ូដែមុន K10000 មានថ្មដល់ ១០ ០០០ mAh ឯណោះ។ ក្រៅពីនោះប្រើអេក្រង់ ៥.៨៥ អ៊ីញ កម្រិត ៧២០ មាត្រដ្ឋាន ២១:៩ មាន RAM 4GB និងអង្គផ្ទុក 64GB ហើយប្រើប្រាស់រន្ធដោត USB-C។ រត់លើ Android 7.0 មានទ្រនាប់ស្កេនខ្ចៅដៃនៅខ្នងក្រោយ ប្រើកាមេរ៉ាភ្លោះទំហំ ១៦+៥ មេហ្គាភិចសែល និងខាងមុខ ១៣ មេហ្គាភិចសែល អមឈីបធន់កណ្តាល MediaTek MT6750T។
រីឯតម្លៃពិតប្រាកដស្មាតហ្វូន Oukitel U18 តម្លៃតែ ១៥៩ ដុល្លារ នៅទីផ្សារស្រុកចិន៕
ទស្សនាវីដេអូខាងក្រោម:
ប្រភព៖ theverge ប្រែសម្រួល៖ ឡៃហ៊ាង
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)